O meu 23-F

Hoxe volveume visitar Gustavo. Estivemos mirando a pelicula Hotel Rwanda que e bastante dura e trata da guerra civil entre tutsis e hutus en Rwanda habera mais de dez anos. Eu non vivin ningunha guerra nin quero nin lla desexo ao meu pior inimigo.

E falando de guerras hoxe e o 25 aniversario do intento golpista de Tejero e companha. Eu lembro que estudiaba no instituto e apenas levaba dous anos afeitando o bigote e os pelos da fame do queixo. Eu de politica, nin flores; como suponho que pasaria coa maioria dos meus companheiros. No instituto tocabame clase de frances e Luis, o noso profesor, dixo: Hoy vamos al hotel a ver la television. E ala fomos ao hotel que ainda esta hoxe perto do instituto. O tal Luis, un leones de bigote e que lle faltaba un dedo da man, aquel dia explicounos algo de politica mentres mirabamos imaxes do golpe na tele. Asi souben porque o profesor de lingua e literatura espanhola que daba clases en galego (si, en galego) aquel dia non apareceu a traballar nin en varios dias. E como el alguns mais. Todos estaban achantados sabia deus onde. Non asi a profesora de xeografia que era cubana fuxida de cando Fidel e que, eu non sabia porque, apoiaba sempre a economia norteamericana e falaba pestes da rusa. Aquel profesor aclaroume muitas cousas a min e aos meus companheiros diante dunha television en branco e negro e falounos de temas case intocables naqueles tempos. E asi foi o meu 23-F que non recomendo a ninguen.