Adopta a tua mascota de balde
eueoseeuu: Prezos de casas

eueoseeuu

Estou de paso nos EEUU e quero reflexalo nalgures.

Tuesday, March 07, 2006

Prezos de casas



Despois do posteo do outro dia coa casa de conto de Wake Forest entroume a curiosidade polos prezos de casas. Non por mercar, por suposto; so por curiosidade. O domingo demos un paseo pola vilinha onde vivimos, Warrenton, e apareceu un cartel cun enderezo web e consultei prezos. Estaba a casa Dun Mor cun prezo un pouco inasequible: mais dun millon de dolares. A casa e esta da esquerda. Logo habia outra casa mais barata por menos de 160.000 dolares. A casa esta aqui a dereita. Pero tamen esta queda fora das nosas posibilidades asi que busquei e busquei e topei a fin a casa dos nosos sonhos: unha casa que custa menos que botarlle aire a roda do coche que aqui custa 50 centavos o raio da maquina do aire. Si. Topei unha casa GRATIS, de balde, polo papo, free, 0 pesetas, rien de rien, niente. Uau, unha casa gratis e non hai truco. E, efectivamente, a casa e gratis pero, sempre hai un pero, non venden o terreo asi que tes que desmontala e levala a outro lugar.

Ese era o truco da casa gratuita que sae nesta foto de embaixo.

14 Comments:

At 10:43 PM, Anonymous pepe penas said...

Bo choio para o que a da..ademais de aforrar o traballo de tirar con ela, quedalle o sitio baleiro para facer outra.Hai algunha que xente que a sabes case todas...

 
At 4:14 AM, Blogger Kiko Novoa said...

Vale, cómproa!!! Pero aproveito para levala cando estea a dona e fillas dentro, eh?
:)

 
At 5:11 AM, Anonymous Larvós said...

Xa me cheiraba a min que o da casa de balde tiña que ter truco. “Gallego” que é un.

 
At 6:27 AM, Blogger pintega said...

Iso nada, como diría un paisano meu: Cunha man de pintura queda como nova! :-D

 
At 7:43 AM, Blogger Veloso said...

Se cadra hai algún solar interesante recalificable e aínda podes facer negocio.

 
At 7:58 AM, Blogger acedre said...

Alto ai todos !!!!.
A casa e regalada pero o terreo e do dono, ou sexa que hai que levar a casa como sexa pero deixar o terreo no sitio.
De todolos xeitos pareceme unha boa inversion: ainda se poden aproveitar tixolos e a madeira pode ir para lume e algunha fiestra e porta ainda se poderia aproveitar para facer un ghalponcinho. Non sei. Na paxina saen outras casas asi que hai que levalas e ainda che cobran 3000 $. Esta polo menos e de balde.

 
At 8:55 AM, Anonymous Marinha de Allegue said...

Nunca hai puntada sen fío...
Tiña truco.
Unha aperta.
:)

 
At 10:40 AM, Blogger nenodanorita said...

Aqui na nosa terra, antes de regalar un ben así somos capaces de prenderlle lume, "non vaia ser que ese faga negocio e despois me traten de tolo ou burro".

 
At 12:22 PM, Blogger Nemeth said...

non penso que sexa tanta ganga...

unha aperta

 
At 12:48 PM, Blogger verdello said...

quen dixo que o solar non o venden? iso é porque non puxou aínda o alcalde de sanxenxo oh!

 
At 1:55 PM, Anonymous muralla said...

É boa verdade que vivir para ver...
Sempre hai listillos e aproveitados.
Bicos.

 
At 5:29 PM, Blogger acedre said...

Eu estou de acordo en que hai que cobrar anque sexa pouco por esa casa. Dende logo e verdade o que di nenodanorita que na terrinha xa a queimaban antes que regalala.
Seria cuestion facer contas se paga a pena desmontala ou tratar de levala enteira nun camion que neste pais e comun iso. Ou se vale anque sexa para lenha ou o que dicia antes, de aproveitar fiestras, portas ou que sexa.
Deixei este caso de exemplo de que non todo se vende neste pais e coma cousa curiosa porque eu nunca vira cousa tal.
Un saudo a todos e gracinhas polos comentarios

 
At 1:13 AM, Blogger pintega said...

Ha, ha, ha, que bo hai que levala do sitio.
Isto recórdame que unha familia ilustre de Pontevedra tamén lle regalou ao Concello (de Pontevedra, claro) o chalé familiar para que se conservase, pero... o truco estaba en que o a Administración local tiña que facerse cargo de desmontalo de volvelo montar noutro sitio.
E a cuestión é que aceptaron e a familia quedou co solar onde fixeron un edificio impresionante.
Agora o chalé está no centro de Pontevedra e o Concello tenta aproveitalo como pode.
Unha peniña...

 
At 3:24 PM, Blogger Jan said...

O que non inventen estes ianquis. Iso si que é mentalidade comercial...me limpan o terreo e non ghasto un peso!!!

 

Post a Comment

<< Home