Adopta a tua mascota de balde
eueoseeuu: Nueva Galicia

eueoseeuu

Estou de paso nos EEUU e quero reflexalo nalgures.

Tuesday, May 16, 2006

Nueva Galicia



Estas fotos son dun lugar que parece Galicia e de feito o primeiro nome europeo que tivo esta illa foi Nueva Galicia. A que semella Galicia co estas fotos ?. A illa Chiloe sempre me atraiu dende que mirei unha reportaxe na que mudaban as casas dun porto a outro. Si. As casas son de madeira e con vacas puxabanas ata a ribeira e logo ian aboiando e arrastadas por barcos ata o porto de destino.

Tamen buscando Nueva Galicia na interrede apareceu unha pelicula onde os homosexuais domenhan o mundo e un heterosexual e discriminado. Cousas curiosas da rede.

Feliz dia das letras esteas onde esteas.

13 Comments:

At 10:11 PM, Blogger besbellinha said...

Igual que os de Chiloé coas casas, tamén levamos o fogar con nós. Bo día para ti, para Ana, para o acedriño e para Collin :)

 
At 2:12 AM, Blogger nenodanorita said...

Bo día das letras galegas para quen as espalla dende o outro lado do mundo.

 
At 3:51 AM, Blogger Plattdorf said...

Estou flipando co do filme ese.

 
At 6:14 AM, Blogger Peke said...

Bo día, aínda que a min os días "de" non me chistan nadiña.

 
At 9:51 AM, Blogger Mr Tichborne said...

E a peli esa dos homosexuais mandando no mundo... chámase así, Nova Galicia? Por que? Será premonitorio? Desacougante...

 
At 10:48 AM, Blogger David said...

Que curiosa a illa Chiloé... Estou lendo o da mitoloxía e paréceme moi interesante.
P.D: Que pases un bo Día das Letras ti tamén ;).

 
At 11:56 AM, Blogger marcos valcarcel said...

O de Chiloé semella sacado dun dos nosos museos etnográficos en calquera comarca galega. Acabo de chegar dos actos da Academia Galega: unha ceremonia fermosa, reivindicativa, chea de emoción e galeguidade (das máis interesantes e creativas dos últimos anos). Mañá contareino no meu blogue (O único incidente foi un mareo da poeta Xoana Torres que tivo que saír do auditorio do Castro e ser atendida por un médico. Creo que xa está ben e foi para a súa casa de Vigo). Boas letras a todos os blogueiros do mundo, de Auria a EE.UU e de Suecia a Bos Aires.

 
At 12:48 PM, Blogger Jan said...

Feliz día para ti tamén co desexo de que as próximas Letras as pases aquí e que o voso acedriño medre en galego.
Unha apreta grande para os tres.

 
At 3:32 PM, Blogger Sr Nohara said...

Eu tamén vin unha reportaxe sobre o cambio de casas en Chiloé. E ademáis seica aí hai toxos, razón dabondo grande para chamarlle Nova Galicia.

 
At 5:07 PM, Anonymous pepe penas said...

Ese pote pendurado da gramalleira mesmo semella un que lembro na casa dos meus avós.

 
At 8:30 PM, Blogger acedre said...

A illa das gaivotas atraeume de sempre e espero (ou sonho) con visitala nalgunha ocasion.
A pelicua esa topeina buscando Nueva Galicia e non sei se tera que ver co nome do estado de Jalisco que era Nueva Galicia.
Hoxe xa non quedan nuevas Galicias e teremos que seguir coa nosa Galicia...ou a polaca.

Un saudo a todos e mui agradecido polos comentarios.

 
At 10:26 AM, Anonymous Colineta said...

Outra Nova Galicia atópase en México, na zona de Jalisco. Hai tempo escribín algo sobre as dúas Novas Galicias (Chiloé e a maeicana). Mirarei a ver se o recupero.

 
At 4:37 AM, Blogger estalote said...

Teño a sorte de coñecer esa Nova Galicia, Chiloé, da man dun grande amigo: Edmundo Moure. É impresionante adentrarse nun anaco de Galicia na fin do mundo.Recomendo, entre outras moitas cousas que ten publicadas, o libro "Galicia y Chiloé, confines míticos". Saúdos.

 

Post a Comment

<< Home